Friday, 27th November 2020

Balochi Academy

Home Site Map Feedback Contact us

urdu-logo


بلوچستان ءِ اسکول ،کالج ءُ یونیورسٹیاں بلوچی وانینگ بیت بلے پہ وانگ ءُ وانینگ ءَ تنی وہدی شریں ءُ دل سریں نصاب یا کورس جوڑ نہ بوتگ۔حکومت بلوچستان ءِ ٹیکسٹ بک بورڈ پہ بلوچ زہگاںہنچیں نصاب جوڑ کنت کہ آنامعیاری انت ءُ نا زبان ءُ بیان ءَ شر ءُ واناک انت۔ بلوچی بلوچستان ءِ پراہ ءُ شاہیگانیں دمگاں ءُ سندھ ءُ پنجاب ءِ بلوچ دمگاں ءُ ایران ءُ اوگانستان ءِ بلوچ علاقہاں لہجہی کسانیں تفاوت ءُ پرک ئے داریت بلے اے نصابانی جوڑ کنوک چرے حقیقت ءَ پوہ نہ انت۔اے ادارگ پہ نصابءِ جوڑ کنگ ءَ ہنچیں مردماں کار بندانت کہ آبلوچی زبان ءُ لبزانک،بلوچ ءِتاریخ،معاشرت ءُ دود ءُ ربیدگاں ناسہی انت۔ پمیشا نااسکولانی نصاب ءُ ناکالج ءُ یونیورسٹیانی نصاب معیاری انت۔ بلوچی اکیڈمی گوں حکومتی واکداراں دست بندی کنت کہ پہ بلوچی ءِ نصاب ءِ جوڑ کنگ ءَ اکیڈمی ءَ را نمائندگی بہ دنت تاںکہ پہ بلوچ طالباں شریں، معیاری ءُ دل سریںنصاب ئے بے جوڑ کنگ ءَ بلوچی اکیڈمی بلوچستان ٹیکسٹ بک بورڈ ءَ راعلمی مدت دات بہ کنت۔

            بلوچی اکیڈمی اے لوٹ کنت کہ بلوچستان یونیورسٹی کوئٹہ ءُ تربت یونیورسٹی ءِ بلوچی ڈیپارٹمنٹس پہ کالج ءُ یونیورسٹی ءِ بلوچی ءِ وانوکاں جوانیں ءُ دل سریںنصابے جوڑ بکن انت۔ بلوچی اکیڈمی گوں اے دوئیں یونیورسٹیانی وائس چانسلران دست بندی کنت کہ وانندگ ءُ زانندگیں مردمانی کمیٹی ے مقرر بہ کنت تاںکہ آپہ یونیورسٹی ءُ کالجاں بلوچی ءِ شریں نصابے اڈبہ دئینت ءُبلوچی اکیڈمی ءَ اے کمیٹی ءَ نمائندگی دیگ بہ بیت تاںکہ اکیڈمی معیاری نصاب ءِ جوڑ کنگ ءَ یونیورسٹیانی علمی مدت ءَ بہ کنت۔

 


 

 

قرارداد

 

            پاکستان ءِ اکیڈمی ادبیات پاکستان ءِ قومانی زبانانی: بلوچی، پشتو، سندھی، پنجابی ءِ ترقی ءُ دیمروی کاراں گلائیش انت۔ ادبیات اے زباناں کتاب ہم چھاپ کنت۔ اے زبانانی نوشتہ بوتگیں کتاباں دومی ز باناں رجانک کنت۔ ادبیات اے زبانانی ادارہاں مالی مدت ءُ کمک کنت ءُ اے زبانانی شاعر، نوشتہ کار ءُ لبززانتاں ءَ مالی کمک کنت۔ پرے مقصد ءَاکیڈمی ادبیات ءِ یک اسکالرشپ کمیٹی یے است۔ادبیات شاعر ءُ ادیباںایوارڈہم دنت۔ادبیات ءِ بورڈ آف گورنر ے ہم است۔

 

            بلوچی اکیڈمی بلوچی زبان ءُ لبزانک ءِ قومی ادارہ یے بلے اکیڈمی ادبیات ءِ اسکالرشپ کمیٹی ءَ یا بورڈ آف گورنر ءَ بلوچی اکیڈمی ءِ نمائندگی نیست۔ ادبیات ءِ بورڈ آف گورنر ءَ پہ بلوچستان ءِ نمائندگی ءَ بایدانت چہ بلوچی اکیڈمی ءَجُست گرگ بہ بیت۔ہمے پیم ءَ بلوچی زبان ءُ لبزانک ءِ سرا نوشتہ بوتگیں کتابانی ایوارڈ دیگ ءَ ہم بائد انت کہ بلوچی اکیڈمی جست گرگ بہ بیت۔ اکیڈمی ادبیات ہما مردماں مالی مدت کنگ ءَ انت کہ آہانی جاہ ءَ بائد انت اے کمک حقدارتریں ادیب ءُ شاعر ءُ لبزانتاں دیگ بہ بیت۔پمیشا بائدانت کہ اسکالر شپ کمیٹی ءَ اکیڈمی ءِ نمائندگی بہ بیت۔ چہ ادبیاتءِ نیمگ ءَ پہ بلوچی اکیڈمی ءَ مقرر کتگیں سالانہ گرانٹ سک کم انت۔ اکیڈمی گوں اکیڈمی ادبیات ءِ واکداراں دست بندی کنت کہ آ بلوچی اکیڈمی ءِ سالانہ گرانٹ ءَ بہ ودین انت۔

 


 

 

بلوچی اکیڈمی ءَ پہ بلوچی نبشتہ کاریءَ رومن ءُعربی سیاہگ ءِرضا ءُ لبزانکی گامگیجانی منظوری

 

جنرل باڈی ءَچہ عبدالواحد بندیگ اکیڈمی ءِ پُلیتگیںزَرّانی پچ گرگ ءَ کڈن کنگ بوت

 

گچین کاری ءَپروفیسرسنگت رفیق کماش گچین ،سوگندءِمراگش ءَانتظامی مجلس ءِباسکانی سوگند

 

کوئٹہ(پ ر)

 

بلوچی اکیڈمی ءِسالینی دیوان ءَانتظامی مجلس ءَراکڈن کنگ بوتگ کہ عبدالواحدبندیگ ءَ ہمازَرّکہ چہ اکیڈمی ءَپُلیتگ انت آہانی واترگرگ ءَقانودی ءُربیتی کاروائی کنگ بہ بیت۔ جنرل باڈی ءَگوٛشگ بوت بلوچستان یونیورسٹی ءِاسسٹنٹ پروفیسرحامدعلی بلوچ ءَلیپ ٹاپ واترکتگ بلئے اکیڈمی ءِ زرّ واترنہ کتگ انت۔باسکاںگوٛشگ بوتگ کہ انتظامی مجلس کاروائی بہ کنت ۔ جنرل باڈی ءَرا بلوچی رسم الخط عربک ءُ رومن خطے باروا ڈاکٹر نصیردشتی ءِ دیم داتگیں سرءُسوجانی بارواباسکاناں بریف کنگ بوت ۔اکیڈمی ءِباسکاںاے سیاہگ ساڑات ءُایشانی رواج دیگ ءِمنظوری دات ۔ اے بارواباسکاںڈاکٹرنصیردشتی ءِحذمت ساڑات انت ۔ بلوچی اکیڈمی ءَپہ معیاری ءُمنّیتگیں سیاہگ ءِرواج دیگ بازیںجہدے کتگ ءُنوںاے آپ سرے ءَسربوتگ ۔ جنرل باڈی ءَگوشگ بوت کہ زہگانی لبزانک ءُوانگ ءُزانگی ہیل کاریءِ واستہ کارٹون ءُویڈیواینی میشن ءِجوڑکنگ، ایدگہ زبانانی کلاسیکل لبزانک ءِماںبلوچی ءَتَرّینگ ءُبلوچی ءِجوانیںساچشت ءُکتاباںماںایدگہ زباناںرجانک کنگ ،بلوچی زبان ءِگالوارانی سرءَپولکاری ،بلوچی زبان ءِلبزبلدانی ویب سائیٹ ءَایرکنگ ، ءُجدیدیںآئی ٹی بہرگ ءِجوڑکنگ ، بلوچی ءَاصطلاح سازی ءِجہت ءَگامگیج زورگ ، جنرل باڈی ءَکڈن کنگ بوت کہ ایم فل ءُپی ایچ ڈی ءِپولکاری نبشتانک ءُمقالہانی باروابلوچستان ءُمُلک ءِیونیورسٹیانی وائس چانسلراںگوںحال ءُاحوال کنگ ءَگُشادکنگ۔بلوچی اکیڈمی ءِشستءُ یکمی ءُشست ءُدومی جنرل باڈی ءِ دیوان نومبرءِاولی تاریخ ءَکوئٹہ ءَاکیڈمی ءِکارگس ماڑی ءَبرجم دارگ بوت ، اولی دیوان ءِپاگواجہ کماش واجہ ممتاذیوسف ات ءُ اے دیوان ءَسالینی رپورٹ دیوان ءَوانگ بوت ، رپورٹ ءَ گوستگیں سالاںدیوان ، مراگش ، کتاب ءُچاپکاری ءُایدگہ گامگیجانی باروا گوشگ بوت انت۔ شنگ کاری کارگشادہیبتان عمرءَچاپ بوتگیںکتابانی رپورٹ ونت ، مالیاتی کارگشادپناہ بلوچ ءَحرچ ءُ درچانی رپورٹ ونت ،جنرل باڈی ءَرااکیڈمی ءَبوتگیںنوکیںمُرمت ءِکارانی سراحرچ ءُدرچانی بارواگوشگ بوت ۔ رپورٹ ءَ اکیڈمی باسکاناںبلوچی اکیڈمی ءِخلاف ءَبوتگیںپندل ءُسازشانی بارواحال دیگ بوت ، شست ءُدومی جنرل باڈی ءِدیوان ءَگچین بوتگیںکابینہ ءَچہ اکیڈمی ءِ کماشیںباسک ءُنامداریںتاریخ زانت واجہ الفت نسیم ءَسوگندزرت ، چریشی ءَپیسرالیکشن کمیشن ءِکماش واجہ ایڈووکیٹ ملک ظہوراحمدشاہوانی ءَگچین کاری ءِ نتیجہ ءِجارجت ،اے رِدءَپروفیسرسنگت رفیق اکیڈمی ءِکماش گچین کنگ بوت ، کابینہ ءِادگہ منصب دارہیبتان عمرنائب کماش، ڈاکٹربیزن سبامزن کارگشاد، ذاکرقادرشنگ کاری کارگشاد ءُ ظاہر جمالدینی مالیاتی کارگشادگچین کنگ بوت انت ءُانتظامی مجلس ءِباسک واجہ ممتازیوسف ، محمدپناہ ، ایڈوکیٹ چنگیزعیسی ءُشکیل بلوچ بید مقابلہ گچین کنگ بوت انت ۔

 


 

 

قرارداد

 

            بلوچی اکیڈمی لوٹ کنت کہ تربت یونیورسٹی ءُ بلوچستان یونیورسٹی کوئٹہ بلوچی ءَ ایم فل ءُ پی ایچ ڈی ءِ طالبان ءَ ہنچیں موضوع ءُ سرحالاں پٹ ءُ پول بہ پرمائیت کہ آ علمی ءُ ادبی معیار ءَ بیا اَنت۔بائد انت کہ سطحی موضوع ایم فل ءُ پی ایچ ڈی ءِ طالبانءَ دیگ مہ بیت۔ لہتیں سال ساری بلوچی اکیڈمی ءَ لہتیں علمی،تاریخی، سیاسی، معاشرتی ءُ لبزانکی موضوع دوئیں  یونیورسٹیانی وائس چانسلر اں ءَ رواں داتگ ءُ گوٛشتگ ات کہ اے ادارہانی بلوچی ڈیپارٹمنٹ ہمے یا ہمے وڑیں موضوع ءُ سرحال پہ ریسرچ ءُ پٹ ءُ پول ءَ طالباں ءَ بہ دیینت۔

 

            بلوچی اکیڈمی گوں اے دوئیں یونیورسٹیانی وائس چانسلراںدست بندی کنت کہ آبلوچی ڈیپارٹمنٹ ءِ واکداراں ہدایت بہ کن انت کہ آ بلوچی ءِ طالباںءَ پہ ایم فل ءُ پی ایچ ڈی ءِ ڈگریانی حاتراپہ پٹ ءُ پول ءَ شریں علمی ءُلبزانکی موضوع بہ دیینت۔

 

News & Updates



  

Newsletter Subscriber

Name:
Email:

Contact Info

Address: Adalat Road, Quetta, Pakistan

Phone No:  +92-81-2829566
Email: This email address is being protected from spambots. You need JavaScript enabled to view it.